Tajaajila Daarektoreetii Mirkaneessa, Galmeessa Sanadootaa fi Kenna Hayyamaa

Daayirektoreetiin Mirkaneessa, Galmeessa Sanadootaa fi Kennaa Hayyamaa Daayirektoreetii Biiroo Abbaa Alangaa Waliigalaa jalatti gurmaa’uun aangoo fi hojii Biirichaaf Labsii 214/2011 keewwata 7((44) (45) (46) (47) (48)) jalatti  kenname kan raawwatuudha. Kunis Ogeessota seeraa naannicha keessatti tajaajila abukaatummaa irratti bobba’uu barbaadaniifi ulaagaa guutanii akkasumas barreessitoota dhimma seeraatiif hayyama ni kenna; ni haaromsa; ni hordofa; ni to’ata; ni dhorka; ni haqa; qaamolee dhimmi ilaalu waliin sirni tajaajila deeggarsa bilisa seeraa abukaatotaan ittiin kennamu ni diriirsa, tajaajilichi akka kennamu ni taasisa; waldaaleefi dhaabbilee miti
mootummaa bu’aaf hin hundeeffamne ni galmeessa; hayyama qaama seerummaa ni kenna; qaama dhimmi ilaalu waliin ni hordofa; ni to’ata; gabaasa raawwii hojii dhiyaatu irratti hundaa’uun hayyama ni  haaromsa; ni dhorka; ni haqa; ni hordofa; ni to’ata; waldaaleefi dhaabbilee miti mootummaa Mootummaa Federaalaa irraa hayyama fudhatanii naannicha keessatti hojjatan ni to’ata; qaama  dhimmi ilaaluuf ni gabaasa; hojiiwwan mirkaneessaafi galmeessa ragaalee qaamolee birootiif seeraan hin kennamne ni raawwata; ragaa ni kenna; dabalatas hayyama abukaatummaa kennuun naamusa isaanii hordofuu fi kenniinsa tajaajila bilisa seeraa abukaatotaan kennamuu qabu akka kennamu hojii taasisuu ni hojjeta.

                Tajaajila Daarektoreetii Mirkaneessa, Galmeessa Sanadootaa fi Kenna Hayyamaa